Walid Aandika Barua ya Kujiuzulu Kuifundisha Timu ya Taifa Morocco

2026-02-07 - 00:08

Kocha mkuu wa timu ya taifa ya Morocco, Walid Regragui, ameripotiwa kuandika barua rasmi ya kujiuzulu wadhifa wake wa kuifundisha timu hiyo ya taifa. Taarifa zinaeleza kuwa barua hiyo tayari imewasilishwa kwa Shirikisho la Soka la Morocco (FRMF), hata hivyo mpaka sasa shirikisho hilo halijatoa tamko rasmi kuhusu uamuzi huo. Kujiuzulu kwa Regragui kunakuja katika kipindi nyeti, ikiwa imebaki takribani miezi sita tu kuelekea Kombe la Dunia 2026, hali inayoweza kuleta sintofahamu juu ya maandalizi ya kikosi hicho. Regragui anakumbukwa kwa mafanikio makubwa akiwa na Morocco, hususan kuiongoza timu hiyo kuweka historia katika michuano ya kimataifa na kuwa moja ya mataifa yenye ushindani mkubwa barani Afrika. Hatua yake ya ghafla imewaacha mashabiki na wadau wa soka wakijiuliza hatima ya benchi la ufundi la Morocco kuelekea mashindano makubwa yajayo.