Marekani Yadai Kumuua Afisa wa Iran Aliyehusishwa na Mpango wa Kumuua Trump

2026-03-04 - 23:27

Waziri wa Ulinzi wa Marekani, Pete Hegseth Waziri wa Ulinzi wa Marekani, Pete Hegseth, amesema jeshi la Marekani limemuua afisa wa Iran aliyedaiwa kuhusika katika mpango wa kumuua Rais wa Marekani, Donald Trump. Akizungumza katika mkutano na waandishi wa habari, Hegseth alisema kiongozi huyo wa kitengo maalum cha Iran “aliyekuwa nyuma ya jaribio la kumuua Rais Trump amewindwa na kuuawa.” Hata hivyo, hakumtaja kwa jina mtu huyo. “Iran ilijaribu kumuua Rais Trump na Rais Trump alipata ushindi wa mwisho,” Hegseth alisema. Aliongeza kuwa kumuondoa afisa huyo hakukuwa lengo kuu la operesheni ya kijeshi dhidi ya Iran, na kwamba suala hilo halikuwahi kuwa ajenda rasmi ya Rais au viongozi wengine wa juu. Hata hivyo, alisisitiza kuwa waliohusika na njama hiyo hatimaye walijumuishwa kwenye orodha ya walengwa wa operesheni za kijeshi.