Iran Yapiga Kambi ya Kijeshi ya Marekani Qatar kwa Kombora la Balestiki – Video

2026-03-04 - 07:37

Kombora la balestiki lililorushwa na Iran limepiga kambi ya kijeshi ya Marekani katika Al Udeid Air Base nchini Qatar, kwa mujibu wa Wizara ya Ulinzi ya Qatar. Tukio hilo linatajwa kuwa sehemu ya mashambulizi mapya ya Tehran katika eneo la Ghuba, yakidaiwa kuwa hatua ya kulipiza kisasi dhidi ya mashambulizi ya pamoja ya United States na Israel. Kwa mujibu wa taarifa rasmi, makombora mawili ya balestiki yalirushwa kutoka Iran kuelekea Qatar. Mfumo wa ulinzi wa anga wa Qatar ulifanikiwa kudungua kombora moja angani kabla ya kufika kwenye shabaha yake. Hata hivyo, kombora la pili lilipenya ulinzi huo na kupiga ndani ya kambi ya Al Udeid, lakini halikusababisha vifo wala majeruhi. Maafisa wa ulinzi walisema athari ya kombora hilo ilisababisha uharibifu wa miundombinu ndani ya kambi hiyo. Al Udeid ni moja ya vituo vikuu vya kijeshi vya Marekani katika Mashariki ya Kati na hutumika kama kitovu cha operesheni za anga za Marekani katika ukanda huo.