GSM Yashinda Tenda ya Kujenga Uwanja wa Yanga

2026-02-02 - 16:09

Klabu ya Young Africans Sports Club (Yanga) imepiga hatua kubwa katika safari yake ya kuwa na uwanja wa kisasa, baada ya kampuni ya GSM Tanzania Limited kutangazwa rasmi kushinda zabuni ya ujenzi wa uwanja wa klabu hiyo. Hatua hiyo inaashiria mwanzo wa utekelezaji wa ndoto ya muda mrefu ya Wananchi ya kumiliki uwanja wao binafsi, utakaosaidia kuimarisha mapato, maendeleo ya timu pamoja na hadhi ya klabu kitaifa na kimataifa. Kwa mujibu wa taarifa iliyotolewa, GSM Tanzania – wadhamini wakuu wa Yanga – watashirikiana kwa karibu na uongozi wa klabu katika kusimamia mchakato mzima wa ujenzi huo, kuanzia usanifu hadi kukamilika kwa mradi.