Eid Al Fitr Leo Uganda Baada ya Kuonekana kwa Mwezi

2026-03-20 - 05:44

Ofisi ya Mufti nchini Uganda imetangaza rasmi kuwa Sikukuu ya Eid al-Fitr itaadhimishwa leo Machi 20, 2026, kufuatia kuandama kwa mwezi. Tangazo hilo linakuja sambamba na hatua ya Serikali ya Uganda kutangaza siku hiyo kuwa mapumziko rasmi ya kitaifa kwa ajili ya sikukuu hiyo muhimu ya Waislamu. Serikali hiyo pia imewatakia wananchi wote wa Uganda sikukuu njema yenye amani na utulivu, ikiwasihi waendelee kudumisha mshikamano na kuenzi maadili ya jamii katika kipindi hiki cha sherehe. Maadhimisho ya Eid al-Fitr huashiria mwisho wa mwezi mtukufu wa Ramadan, ambapo Waislamu hufunga, kusali na kufanya matendo ya huruma kabla ya kusherehekea kwa pamoja.