Brazil Yachapwa na Ufaransa Licha ya Kadi Nyekundu ya Upamecano

2026-03-27 - 05:14

Timu ya Taifa ya Brazil chini ya kocha Carlo Ancelotti imekubali kichapo cha mabao 2-1 dhidi ya Ufaransa katika mchezo wa kirafiki wa kimataifa uliopigwa kwenye dimba la Gillette Stadium, Marekani. Ufaransa ilianza kwa kasi ambapo nyota wake Kylian Mbappé aliifungia bao la kwanza dakika ya 32, kabla ya Hugo Ekitike kuongeza la pili dakika ya 65, akiifanya Les Bleus kuwa mbele kwa mabao mawili. Brazil walipata pigo zaidi baada ya beki wa Ufaransa Dayot Upamecano kuoneshwa kadi nyekundu dakika ya 55, lakini bado hawakuweza kutumia vyema faida hiyo. Bao la kufutia machozi kwa Brazil lilifungwa na Gleison Bremer dakika ya 78, lakini halikutosha kuzuia kipigo hicho. Matokeo Kamili: Brazil 1-2 Ufaransa 32’ Mbappé 65’ Ekitike 78’ Bremer 55’ Upamecano Matokeo haya yanaibua maswali kwa Brazil chini ya Ancelotti, hasa kwenye uimara wa safu ya ulinzi na matumizi ya nafasi walizopata licha ya kuwa na faida ya mchezaji mmoja zaidi uwanjani.